Is-sajf ta’ Malta  kiefer eh! Ħassejtni ħa mmut għamilt siegħa u nofs insuq u ndur fir-raba. Aħseb u ara dak il-bidwi li kien qed jaħrat u jlesti l-art għal-patata . Veru mhux apprezzat biż-żejjed ix-xogħol tal-bdiewa u l-konsumatur ma’ ghandux idea vaga ta’ kemm hu mportanti x-xogħol tal-biedja.

Waqt li kont id-dar il-lejla inzertajt program interessanti. Prosit lill-TVM2 tal-klip edukattiv għat-tfal dwar il-food miles. Il-messaġ kien ċar “kulu lokali u tal-istaġun”.

Il-banana tiġi minn l-Arġentina, ħafna tuffieħ  jiġi minn l-Italja ta’ fuq, u ħafna larinġ  jiġi minn Spanja. It-trasport wieħed mis-setturi li qed jikkonsma ħafna fuel, u qed inkomplu nżidu mas-sħana li diġa għandna fil-klima! 

Importanti l-frott impurtat għax iżid il-varjeta fid-dieta tagħna, imma lokalment, tista’ tgħid għandna frott li jilħaq mas-sena kollha, jew kważi. Tajjeb li nieħdu ħsieb il-prodotti tagħna, u min jagħmilhom.

Li nieklu lokali jgħin, biex nieħdu ħsieb l-ambjent…din mhux xi filosofija astronomika imma loġika u xjenza